काठमाडौं । राष्ट्रिय प्रजातन्त्र पार्टी (राप्रपा) ले उपसभामुखको निर्वाचनमा एमालेबाट उम्मेदवार बनेकी विद्या भट्टराईलाई समर्थन जनाएको छ ।
उपसभामुख निर्वाचनको लागि आज बसेको प्रतिनिधि सभाको बैठकमा बोल्दै राप्रपाका सांसद राजेन्द्र लिङ्देनले आफ्नो समर्थन भट्टराईलाई रहेको बताए ।
बैठकमा बोल्दै सांसद लिङ्देनले सभामुख सरकार पक्षको भएसँगै उपसभामुख प्रतिपक्षको हुने भन्दै आफूले आफ्नो समर्थन प्रतिपक्षीलाई रहने बताए ।
यता नेपाल किसान मजदुर पार्टीले आफ्नो समर्थन कसैलाई पनि नरहेको बताएको छ ।
प्रतिनिधि सभाको बैठकमा बोल्दै नेमकिपाका सांसद प्रेम सुवालले आफ्नो समर्थन कसैलाई नरहेको बताएका हुन् ।
यता सरकारमा सामेल दल राष्ट्रिय जनमोर्चा पार्टीले आफ्नो समर्थन गठबन्धनको उम्मेदवार भुसाललाई रहेको बताएको छ ।
बैठकमा बोल्दै जनमोर्चा सांसद दुर्गा पौडेलले आफ्नो समर्थन भुसाललाई रहेको बताएकी हुन् ।
केहीबेरमा संसदमा उपसभामुखको निर्वाचन हुँदैछ ।
यो खबर पढेर तपाईलाई कस्तो महसुस भयो ?
प्रतिक्रिया