संसदमा मतदान प्रक्रिया शुरु

काठमाडौं- संघीय संसद भवन नयाँ बानेश्वरमा मतदान प्रक्रिया शुरु भएको छ ।

प्रधानमन्त्री केपी शर्मा ओलीले आफूले विश्वासको लिने प्रयोजनको लागि प्रतिनिधि सभाको विशेष अधिवेशन बोलाइएको थियो ।

प्रधानमन्त्रीसहित प्रतिपक्षी दलको सम्बोधनपछि सभामुख अग्नी सापकोटाले मतदान प्रक्रिया शुरु भएको बताएका थिए ।

त्यस्तै आज कोरोना संक्रमण पुष्टि भएका सांसदहरुलाई समेत व्यवस्था गरिरहेको छ । सभामुख सापकोटाले कोरोना पोजेटिभ सांसदहरुलाई प्रतिनिधि सभाको लोत्सेभवनमा व्यवस्था मिलाइएको हो ।

त्यसपछि प्रधानमन्त्रीको प्रस्तावमाथि केन्द्रित रही दलीय प्रतिनिधित्वका आधारमा सदस्यले आआफ्ना धारणा राख्नेछन्। सांसदको धारणा र उठाइएको प्रश्नमा प्रधानमन्त्री ओलीले जवाफ दिनेछन्।

संवैधानिक व्यवस्थानुसार २७५ सदस्यीय प्रतिनिधिसभामा हाल २७१ सदस्य कायम छ।प्रधानमन्त्री ओलीको दल नेकपा एमालेसँग १२१ सांसद छन् । विश्वासको मत पाउन १३६ मत आवश्यक पर्छ ।  प्रधानमन्त्री ओलीलाई विश्वासको मत पाउन अरू दलको मत पनि आवश्यक छ।

६१ सांसद भएको नेपाली कांग्रेसले विश्वासको मतको विपक्षमा मत दिने निर्णय गरिसकेको छ । ४९ सदस्य भएको नेकपा(माओवादी केन्द्र)ले पनि विपक्षमै मत दिने छ। ३२ सांसद भएको जसपाले पक्ष वा विपक्षमा मत दिने निर्णय गर्ने अधिकार सांसदहरुलाई नै दिएको अवस्था छ।