काठमाडौं । भारतको मुरादनगरमा मलामी गएका २५ जनाको आईतवार निधन भयो ।
मलामी गएका उनीहरु पानी परेपछि ओत लाग्नका लागि भन्दै नजिकै रहेको भवनमा पसे । तर भवन भत्कियो र उनीहरुको निधन भयो । मृत्यु हुनेमा एकै घरका २ जना समेत छन् ।
एउटै गल्लीका सात जनाको शव अहिले सडकमा राखिएको छ । गाजियाबाद प्रशासनले अहिलेसम्म २५ जनाको निधन भएको बताएको छ । २० भन्दा धेरै मानिस घाइते छन् ।
प्रशासनले मृतकको परिवारलाई दुई लाख दिने बताएको छ । तर आफन्तहरु भने पैसाले केहि नहुने भन्दै परिवार चाहिएको बताउँछन् ।
सडकमा शव राखेर मृतकका परिवार र आफन्तजन रोइरहेका छन् । केहिले घरमै शव राखेका छन् ।
घटनामा कसैका छोराछोरीको निधन भएको छ भने कोहिका बुबाआमाको निधन भएको छ ।
उनीहरु सम्हालिन सकिरहेका छैनन् । ६७ वर्षका ओमप्रकाशको शव घरमा त्यत्तिकै राखिएको छ ।
उनका छोराछोरी रोइरहेका छन् । ११ वर्षकी अनुष्काले घटना हुनुभन्दा केहि समय पहिला फोन गरेर बुबालाई घर आउन भनेकी थिईन् । । तर उनको शव अहिले घरमा छ । – भारतीय सञ्चारमाध्यमको सहयोगमा
यो खबर पढेर तपाईलाई कस्तो महसुस भयो ?
प्रतिक्रिया