कोरोनाबाट मृत्यु हुनेको संख्या १४ सय ३५ पुग्यो

काठमाडौं । नेपालमा कोरोना भाइरस (कोभिड १९) को कारण थप २३ जनाको मृत्यु भएको छ ।

यससँगै नेपालमा कोरोनाबाट मृत्यु हुनेको संख्या १ हजार ४ सय ३५ पुगेको छ । यसअघि बिहीवार २३ जना र शुक्रवार २८ जनाको कोरोनाको कारण मृत्यु भएको थियो ।

नेपालमा पछिल्लो २४ घण्टामा १ हजार ७०३ जनामा कोरोना संक्रमण पुष्टि भएको छ ।

योसँगै नेपालमा कुल कोरोना संक्रमितको संख्या २ लाख १० हजार ६७१ पुगेको स्वास्थ्य मन्त्रालयले जनाएको छ ।

नेपालमा पछिल्लो २४ घण्टामा कोरोना संक्रमण मुक्त हुनेको संख्या १ हजार २३६ रहेको छ ।

योसँगै नेपालमा कुल कोरोना संक्रमण मुक्त हुनेको संख्या २ लाख ९ हजार ४३५ पुगेको छ।

हाल नेपालमा सक्रिय संक्रमितको संख्या १७ हजार २३७ रहेको छ ।

अहिलेसम्म नेपालमा १७ लाख १० हजार ४६० वटा पीसीआर नमूना परीक्षण भएका छन् ।

नेपालमा क्वारेन्टाइनमा रहनेको संख्या ६०१ रहेको छ ।