मैत्रीपूर्ण खेलमा जर्मनीको बराबरी

काठमाडौं । मैत्रीपूर्ण फुटबलमा जर्मनी र टर्कीले बराबरी खेल खेलेका छन् । बुधवार राति भएको खेलमा जर्मनी र टर्कीले ३–३ गोलको बराबरी खेल खेलेका छन् ।

दोस्रो हाफको इन्जुरी समयमा गोल गर्दै टर्कीले घरेलु टोली जर्मनीलाई बराबरीमा रोकेको हो । टर्कीका लागि ओजान तुफान, एफेकेन कराका र केनन करमनले गोल गरेका थिए ।

जर्मनीलाई सुरुवाती दुई पटक अग्रता भने जुलियन ड्रेक्सलर र डेब्यु खेलाडी फ्लोरियन न्यूरोहासले दिलाएका थिए ।  जर्मनीलाई तेस्रो पटक खेलमा अग्रता भने जुयान लुका वाल्डस्मिटले दिलाएका थिए ।

जर्मनीले शनिवार युक्रेनसँग भिड्ने छ ।

• एजेन्सी