काठमाडौं । बालुवाटारमा बसेको मन्त्रीपरिषद् बैठकले थप ११ दिन लकडाउन लम्ब्याउने निर्णय गरेको छ ।
बुधवार बिहान ११ बजेपछि प्रधानमन्त्री निवास बालुवाटारमा बसेको बैठकले जेठ ५ गतेसम्म बढाउने निर्णय गरेको हो ।
मंगलबार बसेको कोरोना रोकथाम तथा नियन्त्रणका लागि बनेको उच्चस्तरिय समन्वय समितिको बैठकले लकडाउन थप्नु पर्ने मन्त्रीपरिषद्लाई सुझाव दिएको थियो।
कोरोना भाईरस ‘कोभिड- १९’ को कारण विश्व आक्रान्त बनिरहेको सन्दर्भमा नेपालमा यसको प्रकोप बढ्न नदिन सावधानीस्वरुप लकडाउन भएको ४४ दिन भएको छ ।
मंगलवारको उक्त बैठकमा प्रधानमन्त्री केपी शर्मा ओलीको उपस्थितिमा रहेको थियो । साथै लकडाउनको मोडालिटीको बारेमा समेत छलफल भएको थियो ।
भारतमा कोरोना संक्रममण बढिरहेकाले नेपालमा तत्काल लकडाउन खुकुलो पार्न नहुने प्रधानमन्त्रीले बताएका थिए ।
यो खबर पढेर तपाईलाई कस्तो महसुस भयो ?
प्रतिक्रिया