हेटौँडामा २ वटा स्कुल बसमा आगलागी

हेटौंडा । हेटौँडा उपमहानगरपालिका–५, पिप्लेस्थित जेनिथ इन्टरनेशनल विद्यालय परिसरभित्रका दुई बसमा शनिबार राति आगलागी भएको छ ।

ना७ख ८७२८ र ना१क ३२१८ नंको बसमा आगलागी भएको स्थानीयवासीले देखेपछि प्रहरीलाई खबर गरेका थिए । आगलागीबाट एउटा बस पूर्णरूपमा र अर्को आंशिक क्षति भएको प्रहरीले जनाएको छ ।

प्रहरीका अनुसार रोकिराखेको बसमा के कारणले आगलागी भयो भन्ने खुल्न सकेको छैन ।घटनाबारे अनुसन्धान भैरहेको प्रहरीले जनाएको छ ।