एकैदिन ६ हजार ३ सयले घट्यो सुनको मूल्य, चाँदी पनि घट्यो

लोकपथ
0
Shares

काठमाडौं । नेपाली बजारमा सुनचाँदीको मूल्य घट्ने क्रम आज पनि जारी रहेको छ ।

नेपाल सुनचाँदी व्यवसायी महासंघका अनुसार बुधबार सुनको मूल्य एकैदिन प्रतितोला ६ हजार ३०० रुपैयाँले घटेको हो ।

मंगलबार २ लाख ६७ हजार २०० रुपैयाँमा कारोबार भएको सुनको मूल्य आज ६ हजार ३ सय रुपैयाँले घटेर २ लाख ६० हजार ९०० रुपैयाँ कायम भएको छ ।

त्यस्तै, चाँदीको मूल्यमा पनि गिरावट आएको छ । बुधबार चाँदी प्रतितोला ११० रुपैयाँले घटेर ३ हजार ३८० रुपैयाँ कायम भएको महासंघले जनाएको छ ।

यसअघि मंगलबार चाँदी प्रतितोला ३ हजार ४९० रुपैयाँमा कारोबार भएको थियो ।

यसरी पछिल्लो समय नेपाली बजारमा सुनचाँदी दुवैको मूल्य निरन्तर ओरालो लागिरहेको छ ।

यो खबर पढेर तपाईलाई कस्तो महसुस भयो ?