काठमाडौं । स्ट्यान्डर्ड चार्टर्ड बैंक नेपालले बाढी प्रभावित समुदायको राहत, पुनःस्थापना र पुनर्निर्माणका लागि १ लाख अमेरिकी डलर सहयोग गरेको छ ।
बैंकले प्रधानमन्त्री दैवी प्रकोप उद्धार कोषमा उक्त रकम जम्मा गरेको हो । बैंकका अनुसार अगस्ट २०२६ मा नेपालका विभिन्न जिल्लामा आएको बाढीबाट प्रभावित समुदायको पुनःस्थापना र पुनर्निर्माणमा सहयोग पुर्याउने उद्देश्यले रकम प्रदान गरिएको हो ।
बैंकका प्रमुख कार्यकारी अधिकृत गोरख राणाले बाढीका कारण धेरै परिवारको दैनिक जीवन र जीविकोपार्जनमा असर परेको बताए । प्रभावित समुदायलाई पुनःस्थापित गर्न र भविष्यमा विपद्को सामना गर्ने क्षमता बढाउन सरकारको प्रयासमा सहयोग गर्ने उद्देश्यले कोषमा योगदान गरिएको उनले बताए ।
उनले विपद्पछिको पुनःस्थापना र पुनर्निर्माणका लागि निरन्तर सहयोग आवश्यक रहेको भन्दै बैंक प्रभावित समुदायसँगै रहने बताए ।
नेपालमा लामो समयदेखि बैंकिङ सेवा दिँदै आएको स्ट्यान्डर्ड चार्टर्ड बैंकले देशको पुनःस्थापना प्रयासमा सहयोग गर्ने र समुदायमा दीर्घकालीन प्रभाव पार्ने सामाजिक कार्यमा योगदान गर्ने प्रतिबद्धता जनाएको छ ।
यो खबर पढेर तपाईलाई कस्तो महसुस भयो ?
प्रतिक्रिया