काठमाडौं । पब्जी मोबाइल नेपालले हालैको बाढीबाट प्रभावित परिवार तथा समुदायका लागि अत्यावश्यक राहत सामग्री उपलब्ध गराएको छ ।
बाढी प्रभावितको तत्काल आवश्यकता पूरा गर्न पब्जी मोबाइल नेपालले खाद्यान्न, कम्बल, सौर्य आपतकालीन बत्ती, व्यक्तिगत सरसफाइका सामग्रीलगायत विभिन्न राहत सामग्री उपलब्ध गराएको हो ।
उक्त राहत सामग्री गल्छी गाउँपालिकालाई हस्तान्तरण गरिएको छ । गाउँपालिकाले आवश्यक समन्वय गरी सामग्री नुवाकोट र रसुवाका बाढी प्रभावित समुदायमा आवश्यकताका आधारमा वितरण गर्ने जनाएको छ ।
हालैको बाढीका कारण देशका विभिन्न स्थानमा जनजीवन प्रभावित भएको छ । बाढीबाट कतिपय परिवार विस्थापित भएका छन् भने घर तथा अन्य भौतिक संरचनामा समेत क्षति पुगेको छ । सडक तथा यातायात सेवा प्रभावित हुँदा प्रभावित क्षेत्रमा खाद्यान्न, सुरक्षित बसोबास, सरसफाइका सामग्री, बिजुलीलगायत आधारभूत आवश्यकताको माग बढेको छ ।
प्रभावित समुदायले सामना गरिरहेको कठिन परिस्थितिलाई ध्यानमा राख्दै तत्काल आवश्यक सामग्री उपलब्ध गराई जारी राहत प्रयासमा सहयोग पुर्याउने उद्देश्यले यो पहल गरिएको पब्जी मोबाइल नेपालले जनाएको छ ।
स्थानीय तह, सुरक्षा निकाय, राहतकर्मी, स्वयंसेवक, सामुदायिक समूह, विभिन्न संघसंस्था तथा व्यक्तिहरूले प्रभावित समुदायसम्म आवश्यक सहायता पुर्याइरहेका छन् । पब्जी मोबाइल नेपालको सहयोग पनि यिनै समन्वित राहत प्रयासमा योगदान पुर्याउने उद्देश्यले गरिएको हो ।
यसका साथै पब्जी मोबाइल नेपालसँग सहकार्यमा रहेका स्ट्रिमरहरूले सरकारद्वारा सार्वजनिक गरिएको आधिकारिक क्यूआर कोडमार्फत प्रधानमन्त्री दैवी प्रकोप उद्धार कोषसम्बन्धी जानकारी आफ्ना समुदायमा साझा गरिरहेका छन् । उनीहरूले इच्छुक व्यक्तिलाई आधिकारिक माध्यममार्फत राहत प्रयासमा सहयोग गर्न सकिनेबारे जानकारीसमेत दिइरहेका छन् ।
पब्जी मोबाइल नेपालले बाढी प्रभावित परिवार तथा समुदायप्रति ऐक्यबद्धता व्यक्त गर्दै राहत तथा उद्धारमा खटिएका सरकारी निकाय, स्थानीय तह, सुरक्षा निकाय, राहतकर्मी, स्वयंसेवक, सामुदायिक समूह तथा विभिन्न संघसंस्थाको प्रयासप्रति सम्मान व्यक्त गरेको छ ।
विपद्बाट प्रभावित समुदायका लागि राहत तथा पुनःस्थापनाका प्रयास जारी रहेका बेला पब्जी मोबाइल नेपालले प्रभावित परिवार तथा समुदायलाई साथ र ऐक्यबद्धता व्यक्त गरेको हो ।
यो खबर पढेर तपाईलाई कस्तो महसुस भयो ?
प्रतिक्रिया