सुनको मूल्यमा वृद्धि, कतिमा भइराखेको छ आज कारोबार ?

काठमाडौं । नेपाली बजारमा साताको पहिलो दिन आज आइतबार सुनको मूल्य बढेको छ ।

नेपाल सुनचाँदी व्यवसायी महासंघका अनुसार आज सुन प्रतितोला दुई हजार ८०० रुपैयाँले बढेको हो ।

आज सुन प्रतितोला तीन लाख १९ हजार ५०० रुपैयाँमा कारोबार भइरहेको महासंघले जानकारी दिएको छ । शुक्रबार सुन प्रतितोला तीन लाख १६ हजार ७०० रुपैयाँमा किनबेच भएको थियो ।

चाँदी भने तोलामा १० रुपैयाँले घटेको छ ।

त्यस्तै आज चाँदी प्रतितोला चार हजार ९७५ रुपैयाँमा किनबेच भइरहेको छ । अघिल्लो कारोबार दिन चाँदी प्रतितोला चार हजार ९८५ रुपैयाँमा किनबेच भएको थियो ।