काठमाडौं । आइतबार बिहान गोरखास्थित बूढीगण्डकी नदीमा आएको बाढीका कारण प्रभावित भएका हालसम्म ३६ जनाको उद्धार भएको छ ।
नेपाली सेनाले हालसम्म ३६ जनाको उद्धार गरेको र अन्यको खोज तथा उद्धारका लागि समन्वय भइरहेको जनाएको छ ।
बाढीपछि नेपाली सेनाको ४ वटा हेलिकोप्टर तथा स्थलमार्गबाट खटिएको टोलीले उनीहरुको उद्धार गरेको हो ।
जसअन्तर्गत जगत इलाकाबाट ६ जना, न्याक्फेदीबाट ९ जना तथा यारुबाट १ शिशु तथा १ विदेशीसहित ९ जना र पायुबाट १२ जना गरी हालसम्म जम्मा ३६ जनाको उद्धार गरिएको हो ।
यो खबर पढेर तपाईलाई कस्तो महसुस भयो ?
प्रतिक्रिया