काठमाडौं । कर्णाली नदीले सतर्कता तह पार गरेको छ ।
बुधबार बिहान ९ बजेर ५ मिनेटको तथ्यांकअनुसार कर्णाली नदी (बेनीघाट) को अछामस्थित जलमापन केन्द्रमा जलसतहले सतर्कता तह पार गरेको बाढी पूर्वानुमान महाशाखाले जनाएको छ ।
महाशाखाका अनुसार नदीमा जलसतह अझै बढ्दो क्रममा रहेको छ । त्यसैले कर्णाली नदीको तल्लो तटीय क्षेत्र तथा नदी आसपास डुबानको जोखिम रहेका स्थानका बासिन्दालाई उच्च सतर्कता अपनाउन आग्रह गरिएको छ ।
महाशाखाले बुधबार बेलुकासम्म विशेष सावधानी अपनाउन र नदी आसपासका जोखिमयुक्त क्षेत्रमा आवश्यक सतर्कता अपनाउन आग्रह गरेको छ ।
यो खबर पढेर तपाईलाई कस्तो महसुस भयो ?
प्रतिक्रिया