ह्वातै बढ्यो सुनको मूल्य, कतिमा हुँदैछ कारोबार ? 

काठमाडौं । साताको पाँचौँ कारोबारको दिन आज बिहीबार नेपाली बजारमा सुनको मूल्य ह्वातै बढेको छ ।

नेपाल सुनचाँदी व्यवसायी महासंघका अनुसार आज छापावाल सुन प्रतितोला ६ हजार २ सय रुपैयाँले बढेको हो ।

अघिल्लो दिन २ लाख ७७ हजार ३ सय रुपैयाँमा कारोबार भएको सुनको मूल्य आज प्रतितोला ६ हजार २ सय रुपैयाँले बढेर २ लाख ८३ हजार ५ सय रुपैयाँमा कारोबार भइरहेको छ ।

त्यस्तै, आज चाँदीको मूल्य पनि बढेको छ । महासंघका अनुसार आज चाँदी प्रतितोला १८० रुपैयाँले बढेको हो ।

बुधबार ४ हजार २७० रुपैयाँमा कारोबार भएको चाँदी आज प्रतितोला १८० रुपैयाँले बढेर ४ हजार ४५० रुपैयाँमा कारोबार भइरहेको छ ।