काठमाडौं । प्रमुख प्रतिपक्षी दल नेपाली कांग्रेसको संसद् समन्वय बोर्डको पहिलो बैठक आज बस्ने भएको छ ।
बैठक ललितपुरस्थित बीपी स्मृति भवनमा आज दिउँसो ३ बजेका लागि तय गरिएको हो ।
कांग्रेस केन्द्रीय कार्यालयका कार्यवाहक मुख्यसचिव कृष्णप्रसाद दुलालका अनुसार, संसदीय दलको विधान (संशोधन तथा परिमार्जनसहित) २०८० को धारा २१ बमोजिम गठन भएको संसद् समन्वय बोर्डको यो पहिलो बैठक हो ।
बैठकमा उपस्थित हुनका लागि बोर्डका सबै सदस्यहरूलाई पार्टीले निर्देशन दिएको छ ।
यो खबर पढेर तपाईलाई कस्तो महसुस भयो ?
प्रतिक्रिया