काठमाडौं । पूर्वराष्ट्रपति विद्यादेवी भण्डारी र काठमाडौं महानगरपालिकाका मेयर बालेन शाहबिच भेटवार्ता भएको छ ।
पूर्व राष्ट्रपति भण्डारी र मेयर बालेनबिच गत बिहीबार भण्डारी निवासमा भेटघाट भएको हो । बालेन निकट स्रोतका अनुसार उनीहरूबिच समसामयिक राजनीतिक तथा सामाजिक विषयमा छलफल भएको थियो ।
यद्यपि भेटमा उठेका विषयवस्तु सार्वजनिक गरिएको छैन । स्रोतका अनुसार भेट ‘शिष्टाचार तथा विचार आदानप्रदान’का लागि भएको हो ।
पूर्वराष्ट्रपति भण्डारीले केही दिनअघि मात्रै आफू नेकपा एमालेको राजनीतिमा सक्रिय हुने घोषणा गरेकी थिइन् । मेयर शाह भने स्वतन्त्र हैसियतमा काठमाडौं महानगरपालिकाको नेतृत्व गरिरहेका छन् ।
दुवै व्यक्तित्वको यो भेटलाई राजनीतिक सन्दर्भमा विशेष चासोका साथ हेरिएको छ ।
यो खबर पढेर तपाईलाई कस्तो महसुस भयो ?
प्रतिक्रिया