मकवानपुर गुडिरहेको कारमा आगलागी, मानवीय क्षति भने भएन

मकवानपुर । भीमफेदी–काठमाडौं सडकखण्डमा चलिरहेको एक कारमा आगलागी भएको छ । काठमाडौंबाट हेटौँडातर्फ जाँदै गरेको भारतमा दर्ता गरिएको जीज १२ डीए ९६१८ नम्बरको कारमा आगलागी भएको हो ।

प्रहरीका अनुसार आगो लागेपछि गाडी पूर्ण रूपमा जलेर नष्ट भएको छ। यद्यपि, घटनामा कुनै मानवीय क्षति भने भएको छैन ।

आगलागीको कारण खुल्न बाँकी रहे पनि प्रारम्भिक अनुसन्धान अघि बढाइएको प्रहरीले जनाएको छ। घटनापछि सडकमा केही समय तनाव भए पनि अहिले यातायात सञ्चालनमा आएको जनाइएको छ।