काठमाडौं । नेपाली कांग्रेसको नीति, अनुसन्धान तथा प्रशिक्षण प्रतिष्ठानमा दुई निर्देशक तोकिएको छ । उपसभापति पूर्णबहादुर खड्काको नेतृत्वमा रहेको प्रतिष्ठानमा प्रशिक्षण र अनसन्धानतर्फ निर्देशक तोकिएको छ ।
प्रतिष्ठानको निर्देशक (प्रशिक्षण तर्फ) को निर्देशक पदमा कास्कीका डा. कृष्णप्रसाद पौडेल र अनुसन्धान तर्फ चितवनका डा. सञ्जय महतो थारू नियुक्त गरिएको छ । यसअघि निर्देशकमा जगदिशचन्द्र पोखरेल नियुक्त भएका छन् । खड्का नेतृत्वको प्रतिष्ठानमा १८ जना सदस्य तोकिएको छ ।
पार्टी विधानमा अनुसार प्रमुखसहित ५१ लाई प्रतिष्ठानमा राख्न सकिने व्यवस्था छ ।
प्रतिष्ठानले पार्टीमा प्रशिक्षण, अभिमुखीकरण प्रदान गर्नुको साथै नीति बनाउने र दलको पाठ्यक्रम बनाउने कार्य गर्दछ ।
यो खबर पढेर तपाईलाई कस्तो महसुस भयो ?
प्रतिक्रिया