सरकारले स्वतन्त्र पत्रकारिता र जनताको अधिकारमाथि बन्देज लगाउन खोज्यो : सुमना श्रेष्ठ 

काठमाडौं । राष्ट्रिय स्वतन्त्र पार्टीकी सांसद सुमना श्रेष्ठले सामाजिक सञ्जालसम्बन्धी विधेयक यही अवस्थामा पास हुन दिन नुहने बताएकी छन्  । 

बिहीबार संसद् भवनमा सञ्चारकर्मीहरूसँग कुरा गर्दै उनले यस्तो बताएकी हुन् । सामाजिक सञ्जालसम्बन्धी विधेयकमार्फत स्वतन्त्र पत्रकारिता र जनताको सुसूचित हुन पाउने अधिकारमाथि बन्देज लगाउन खोजेको उनले बताइन् ।

उनले नयाँ सांसदहरूको मुख नै बन्द गर्ने गरी सरकारले पेलेर विधेयक पास गर्ने मनशाय बनाएको उल्लेख गर्दै त्यसो गर्न नदिने बताइन् । 

उक्त विधेयक अगाडि बढाउनुभन्दा अगाडि कन्टेन्ट क्रियटरहरुसँग आवश्यक छलफल गरेर मात्र विधेयक अगाडि बढाउन सरकारलाई आग्रह समेत गरिन् ।