बुटवल । रुपन्देही कन्चन गाउँपालिकामा शनिवार बिहान बम विस्फोट भएको छ ।
कन्चन गाउँपालिका वडा नं. २ कन्चन खोला नजिकै रहेको खाली चौरमा शनिवार बिहान ४ बजे सिलिण्डर बम विस्फोट भएको हो ।
विस्फोटबाट कुनै क्षति नभएको प्रहरी जनाएको छ ।
बम विस्फोट बिहान भएपछि स्थानीयवासीले ७ः३० बजे मात्रै प्रहरीलाई खबर गरेको इलाका प्रहरी कार्यालय बुटवलले जनाएको छ ।
त्यसैगरी रुपन्देहीकै ओमसतीया गाउँपालिका १ कटैयामा होक्स बम फेला परेको छ ।
‘खतरा’ लेखिएको डिब्बामा राखिएको शंकास्पद वस्तु होक्स बम रहेको र नेपाली सेनाको टोलीले निष्कृय पारेको प्रहरीले जनाएको छ ।
बम विष्फोट गराउने र बम राख्ने समूहको बारेमा नखुले पनि प्रहरीले भने विप्लव नेतृत्वको नेकपाले राखेको हुन सक्ने शंका गरेको छ ।
यो खबर पढेर तपाईलाई कस्तो महसुस भयो ?
प्रतिक्रिया