काठमाडौं । सरकारले कर्मचारी समायोनपछि कार्यक्षेत्रमा नजाने कर्मचारीलाई तत्काल बिदा दिने बताएको छ ।
आइतवार पत्रकारसँग कुरा गर्दै संघीय मामिला तथा सामान्य प्रशासन मन्त्री लालबाबु पण्डितले खटाएको क्षेत्रमा कर्मचारी नगए सरकार चुप लागेर नबस्ने बताए ।
अनलाईन फारममा उल्लेख गरेअनुसार नै कर्मचारीको समायोजन प्रक्रिया शुरु हुने मन्त्री पण्डितले बताए ।
त्यस्तै स्थानीय तहमा समायोजन हुन चाहाने कर्मचारीका लागि वरिष्ठता, रोजेको स्थान र घरपायक क्षेत्रलाई प्राथमिकता दिने व्यवस्था अध्यादेशमै रहेकाले त्यसमा एक इञ्चपनि तलमाथि हुन नदिने प्रतिवद्धता उनले व्यक्त गरे ।
केन्द्र, प्रदेश र स्थानीय तहमा कर्मचारीको समायोजनका लागि अध्यादेश जारी भइसकेको अवस्थामा अधिकांश कर्मचारीले समायोजनमा जाने इच्छा देखाएको उनको भनाइ छ ।
केन्द्रका ४५ हजार बाहेक ६० हजार कर्मचारीले अनलाईन फारम भरिसकेको छन् ।
बाँकी १८ हजार कर्मचारीले यसैसाता भित्र फारम भरिसक्ने विश्वास उनको छ ।
सरकारले कायम कर्मचारीमध्ये ४५ हजारलाई केन्द्र, २१ हजारलाई प्रदेश र ५७ हजारलाई स्थानीय तहमा समायोजन गर्ने तयारीमा सरकार रहेको मन्त्री पण्डित बताए ।
यो खबर पढेर तपाईलाई कस्तो महसुस भयो ?
प्रतिक्रिया