काठमाडौं । काठमाडौं उपत्यकामा आज यस वर्षकै जाडो भएको मौसम पूर्वानुमान महाशाखाले जनाएको छ । जाडो अझै बढ्दै जाने मौसमविदले बताएका छन् ।
महाशाखाका अनुसार आज बिहान ६ः३० बजेको रेकर्डअनुसार काठमाडौंको न्युनतम तापक्रम ५.६ डिग्री सेल्सियस पुगेको छ ।
मौसमविद गंगा नगरकोटीका अनुसार तापक्रम घट्ने र जाडो बढ्ने क्रम अझै जारी रहन्छ ।
त्यस्तै मध्य र पश्चिम पहाडका उच्च भागका केही स्थानमा हल्का पानी पर्ने र उच्च हिमाली भागमा हिमपात हुने सम्भावना रहेको मौसमविदले जनाएका छन् ।
यो खबर पढेर तपाईलाई कस्तो महसुस भयो ?
प्रतिक्रिया