काठमाडौं । रुकुम पूर्वमा पहिलोपटक कोरोना संक्रमण पुष्टि भएको छ । रुकुमपूर्वका तीन जनामा आज गरिएको स्वाब परीक्षणमा रिपोर्ट पोजेटिभ आएको हो ।
योसँगै नेपालका कुल ७७ वटा जिल्ला मध्ये ४७ वटा जिल्लामा कोरोना भाइरसको संक्रमण फैलिएको छ ।
आज गरिएको स्वाब परीक्षणका क्रममा रुकुम पूर्वकी १५ वर्षकी महिला र १८ र २३ वर्षका पुरुषमा कोरोना संक्रमण पुष्टि भएको स्वास्थ्य मन्त्रालयका प्रवक्ता डाक्टर विकास देवकोटाले जानकारी दिए ।
डाक्टर देवकोटाका अनुसार उनीहरुको स्वास्थ्य अवस्था सामान्य रहेको छ भने उनीहरु चिकित्सकको निगरानीमा रहेका छन् ।
यसैबीच नेपालमा आज (बुधवार) मात्रै ११४ जना नयाँ संक्रमित थपिएका छन् । योसँगै नेपालमा कुल संक्रमितको संख्या ८८६ पुगेको छ ।
त्यस्तै अहिलेसम्म १८३ जना संक्रमित स्वास्थ्योपचार पछि निको भएका छन् भने ४ जनाको अहिलेसम्म मृत्यु भईसकेको छ ।
यो पनि पढ्नुहोस् :
लकडाउन खुल्यो भने नागरिकको पूर्वतयारी के हुनुपर्दछ ? डा. रवीन्द्र पाण्डेका यस्ता सुझाव
भारत-चीन सीमा विवादित क्षेत्र लद्दाखमा चीनले तैनाथ गर्यो ‘फाइटर जेट्स’
सेनालाई युद्धका लागि तयार रहन चीनका राष्ट्रपति शी जिनपिङको आदेश
यो खबर पढेर तपाईलाई कस्तो महसुस भयो ?
प्रतिक्रिया