नेपालको कुन प्रदेशका कति वटा जिल्लामा फैलियो कोरोना ? यस्तो छ, विवरण

काठमाडौं – प्रदेश नम्बर १ का ७ जिल्ला ८६ जना , प्रदेश नम्बर २ का सबै जिल्लाहरु (आठवटै) १ सय ७९ जना, वाग्मतीका ११ जिल्ला ३४ जना, गण्डकीका ३ जिल्लाका पाँच जना, प्रदेश नम्बर ५ का ७ जिल्लाका २ सय ८१ जना, कर्णाली प्रदेशका २ जिल्लामा ४ जना, सुदूरपश्चिम प्रदेशका ४ जिल्लामा १४ जना गरी ४२ जना संक्रमित रहेका छन् ।

आज थपिएका १९ जना गरी नेपालमा कोरोना संक्रमितको संख्या ६०३ पुगेको छ । तिमध्ये महिला संक्रमितको संख्या ७९ छ भने पुरुष संक्रमित ५२४ रहेको छ । आज नुवाकोटमा पहिलोपल्ट संक्रमण देखिएको हो ।

हालसम्म नेपालका सातै प्रदेशमा संक्रमण फैलिएको छ भने ४२ जिल्लामा यो संक्रमण पुष्टि भएको छ ।

नेपालमा संक्रमण देखिन थालेको ४ महिना पूरा भइसकेको छ ।

आज थपिएका १९ जनासहित संक्रमित संख्या ६०३ पुगेको हो । ८७ जना कोरोना संक्रमण निको भएर घर फर्किएका छन् भने ३ जनाको मृत्यु भएको छ । यस्तै स्वमूल्याकंनको आधारमा कोरोना भएको हुनसक्ने सूचीमा ४४७ जना रहेका छन् ।

कति भयो परीक्षण ?
पिसीआर विधीबाट हालसम्म कुल ४८ हजार ८ सय १५ जनाको परीक्षण भएको छ । आरडीटि विधिबाट ९० हजार २६ जनाको जाँच गरीएको छ । गत २४ घण्टामा मात्रै पिसिआर विधीबाट २ हजार ८ सय ५६ जनामा परीक्षण गरीएको छ ।

त्यस्तै आरडीटि विधीबाट गत २४ घण्टामा मात्रै ३ हजार ७ सय ९१ जनामा जाँच गरिएको छ ।

जसमा प्रदेश १ मा १० हजार २ सय ५४, प्रदेश २ मा ६ हजार ३ सय ४४, वाग्मती प्रदेशमा २२ हजार ८ सय ११, गण्डकी प्रदेशमा ७ हजार ७ सय १ जना, प्रदेश ५ मा १३ हजार २ सय ६७ जना, कर्णाली प्रदेशमा ९ हजार ३९ जना र सुदूरपश्चिम प्रदेशमा २० हजार ६ सय १० जनामा कोरोना संक्रमण भए नभएको जाँच गरीएको छ ।

कति भए डिस्चार्ज  ? 

आइतवार नेपालमा थप १७ जनाले कोरोना संक्रमण जितेका छन् । कोरोनाको उपचारपछि १७ जना निको भएर घर फर्किएका हुन् ।

आइतवार नारायणी अस्पतालमा उपचार गराइरहेका बारा पर्सा र रौतहटका २४ देखि ५१ वर्षीय ७ पुरुष निको भएर घर फर्किएका स्वास्थ्य मन्त्रालयले जनाएको छ ।

त्यस्तै, बुटवलको धागो कारखानामा रहेका १० पुरुष जना पिसिआर बिधिबाट परीक्षणमा नेगेटीभ आएपछि उनीहरुलाइ डिस्र्चाज गरिएको स्वास्थ्य मन्त्रालयका प्रवक्ता विकाश देवकोटाले जानकारी दिए ।

यससँगै नेपालमा कोरोना संक्रमितको संख्या ६ सय ३ पुगेको छ भने उपचारपछि ८७ जना घर फर्किएका छन् ।

आज थपिएका संक्रमित कहाँका हुन् ? कस्तो छ स्वास्थ्यअवस्था ? 

नेपालमा थप १९ जनामा कोरोना संक्रमण देखिएसँगै संक्रमितको संख्या ६ सय ३ पुगेको छ ।

स्वास्थ्य तथा जनसंख्या मन्त्रालयका अनुसार प्रादेशिक जनस्वास्थय प्रयोगशाला विराटनगर, राष्ट्रिय जनस्वास्थ्य प्रयोशाला टेकु र प्रादेशिक जनस्वास्थ्य प्रयोगशाला भैरहवामा १९ जनामा संक्रमण देखिएको हो ।

मन्त्रालयका प्रवक्ता देवकोटाका अनुसार विराटनगरमा भएको परीक्षणमा मोरङ बारदशी ३ का ४५ वर्षिय पुरुषमा संक्रमण पोेजेटिभ देखिएको हो । यस्तै टेकुमा गरिएको परीक्षणमा बारा कलैयाका ३२ वर्षिय पुरुष, विरगञ्ज पर्साका २५ वर्षिय, पर्साका ३४ वर्षिय पुरुष र पर्साकै नागबाका ६० वर्षिय पुरुषमा कोरोना पोजेटिभ देखिएको हो ।

यस्तै रौतहट घर भइ कलैयामा कार्यरत ३२ पुरुष, सर्लाहीको हरिपुर ६ का ४८ वर्षिय पुरुष, रुपन्देही सम्मरीमाइ ५ का ४० र ५० वर्षिय पुरुषमा पनि संक्रमण देखिएको छ । यस्तै रुपन्देहीका १६ वर्षिय किशोर, काठमाडौं सोह्रखुट्टेका ७९ वर्षिय वृद्ध, नुवाकोट ककनीका ३९ वर्षिय पुरुषमा पनि पोजेटिभ देखिएको छ ।

यस्तै प्रादेशिक जनस्वास्थ्य प्रयोगशाला भैरहवामा गरिएको परीक्षण रुपन्देहीका २३, ३० र ४० वर्षिय पुरुष कपिलवस्तुका ३५, ३७ र ५२ वर्षिय पुरुष, गुल्मी मदानेका ३१ वर्षिय पुरुषमा पनि संक्रमण देखिएको छ । यो सँगै नेपालमा कोरोना संक्रमितको संख्या ६ सय ३ पुगेको छ । अहिले ४२ जिल्लामा संक्रमण देखिएको छ । ८७ जना उपचारपछि निको भएर घर फर्किका छन् ।

उनीहरुको सबैको स्वास्थ्य अवस्था सामान्य रहेको मन्त्रालयले जनाएको छ । उनीहरुको कन्ट्रयाक टे«सिङ गर्ने काम भइरहेको छ । भने उनीहरुलाई अस्पताल लैजाने प्रक्रिया सुरु भएको छ ।

नुवाकोटमा पहिलोपटक देखियो संक्रमण

नुवाकोटमा पहिलो पटक कोरोना संक्रमण पुष्टि भएको छ । योसँगै नेपालका कुल ७७ वटा जिल्लामध्ये ४२ वटा जिल्लामा कोरोना संक्रमण फैलिएको छ । नुवाकोटको ककनीका ३९ वर्षीय एक पुरुषमा परीक्षणका क्रममा उनको रिपोर्ट पोजेटिभ आएको स्वास्थ्य मन्त्रालयले बताएको छ ।स्वास्थ्य मन्त्रालयले गरेको नियमित मिडिया ब्रिफिङमा स्वास्थ्य मन्त्रालयका प्रवक्ता डा. विकास देवकोटाले उक्त जानकारी दिएका हुन् ।स्वास्थ्य मन्त्रालयका अनुसार उनको स्वास्थ्य अवस्था सामान्य रहेको छ भने उनी चिकित्सकको निगरानीमा रहेका छन् ।

काठमाडौंमा थपिए अर्का संक्रमित

काठमाडौंमा थप एक जनामा कोरोना संक्रमण पुष्टि भएको छ । योसँगै काठमाडौंमा जम्मा संक्रमितको संख्या १४ पुगेको छ ।

स्वास्थ्य मन्त्रालयले गरेको नियमित मिडिया ब्रिफिङमा स्वास्थ्य मन्त्रालयका प्रवक्ता डा. विकास देवकोटाले काठमाडौंको सोह्रखुट्टेका एक ६९ वर्षीय पुरुषमा कोरोना संक्रमण पुष्टि भएको हो ।

स्वास्थ्य मन्त्रालयका अनुसार उनको स्वास्थ्य अवस्था सामान्य रहेको छ भने उनी चिकित्सकको निगरानीमा रहेका छन् ।

यो पनि पढ्नुहोस्
कोरोनाको कारण विश्वभर १ सय १७ जना नेपालीको मृत्यु, कहाँ कति संक्रमित ? (सूचीसहित)
नुवाकोटका कोरोना संक्रमित बोक्न एम्बुलेन्स पाइएन
चैत ३ गते विदेशबाट आएकालाई देखियो कोराना

नुवाकोटमा पहिलोपटक कोरोना संक्रमण पुष्टि 
काठमाडौंमा थप एक जनामा कोरोना संक्रमण पुष्टि
नेपालमा थप १९ जनामा कोरोना संक्रमण पुष्टि, संक्रमितको संख्या ६०३ पुग्यो