सुन र चाँदीको मूल्य उल्लेख्यरुपमा गिरावट, कतिमा भइराखेको छ आज कारोबार ?

काठमाडौं । स्थानीय बजारमा सुनचाँदीको मूल्य आज उल्लेख्यरुमा घटेको छ ।

आज आइतबार (कात्तिक १५) एकैदिन सुन तोलामा आठ हजार ३०० रुपैयाँ र चाँदी १७५ रुपैयाँले घटेको हो ।

नेपाल सुनचाँदी व्यवसायी महासंघका अनुसार, आज सुन तोलाको दुई लाख ७२ हजार रुपैयाँमा कारोबार भइरहेको छ । शुक्रबार सुन प्रतितोला दुई लाख ८० हजार ३०० रुपैयाँमा कारोबार भएको थियो ।

त्यस्तै, चाँदी आज आइतबार तीन हजार ६५० रुपैयाँमा कारोबार भइरहेको महासंघले जनाएको छ ।