काठमाडौं । विभिन्न जिल्लाबाट काठमाडौंमा बसोबास गरिरहेका नागरिकहरुले अब नागरिकताको प्रतिलिपि लिन आफ्नो जिल्ला जाने झन्झट हटेको छ ।
सरकारको १०० बुँदे शासकीय सुधार कार्यसूचीको बुँदा नं २१ कार्यान्वयनमा आएसँगै काठमाडौंसहित तीन जिल्ला प्रशासनबाट प्रतिलिपि पाउने सकिने भएको हो ।
काठमाडौं जिल्लाका प्रमुख जिल्ला अधिकारी (सीडीओ) ईश्वरराज पौडेलका अनुसार प्रतिलिपिका लागि प्रदेशवाइज तीन जिल्लामा विभाजन गरिएको छ । जसअनुसार काठमाडौं, भक्तपुर र ललितपुर जिल्ला प्रशासनबाट नागरिकताको प्रतिलिपि पाइनेछ ।
सीडीओ पौडेलका अनुसार जिल्ला प्रशासन कार्यालय काठमाडौं अन्तर्गतबाट बागमती, गण्डकी र लुम्बिनी प्रदेशका सेवाग्राहीले सेवा पाउनेछन् ।
यसैगरी जिल्ला प्रशासन कार्यालय ललितपुर वा सो अन्तर्गतबाट कर्णाली र सुदूरपश्चिम प्रदेशका जिल्लाका सेवाग्राहीहरुले सेवा पाउनेछन् भने जिल्ला प्रशासन कार्यालय भक्तपुर वा सो अन्तर्गतबाट कोशी प्रदेश र मधेश प्रदेशका जिल्लाका सेवाग्राहीहरुले सेवा पाउनेछन् ।
यो खबर पढेर तपाईलाई कस्तो महसुस भयो ?
प्रतिक्रिया