काठमाडौं । नेपाली कांग्रेस संसदीय दलको बैठक आज बस्ने भएको छ ।
कांग्रेस संसदीय दलको कार्यालयका अनुसार बैठक बिहान ११ बजे सिंहदरबारस्थित दलको कार्यालयमा बस्नेछ ।
बैठकमा पछिल्लो राजनीतिक अवस्था, संसद्मा पार्टीको भूमिका र जनतासँग सम्बन्धित समसामयिक विषयमा छलफल हुने बताइएको छ ।
यस्तै, मुलुकमा भइरहेका पछिल्ला राजनीतिक घटनाक्रम र आगामी दिनमा संसद्मा पार्टीले अपनाउने रणनीतिबारे पनि बैठकमा छलफल हुनेछ ।
प्राकृतिक विपद्का घटना तथा विपद्बाट प्रभावित नागरिकका तत्कालीन समस्याबारे पनि बैठकमा समीक्षा हुने कांग्रेस संसदीय दलको कार्यालयले जनाएको छ ।
यो खबर पढेर तपाईलाई कस्तो महसुस भयो ?
प्रतिक्रिया