सशस्त्रका १५ एसएसपीको सरुवा र ८ जनाको पदस्थापन, प्रबन्धमा दीपककुमार थापा [सूचीसहित]

काठमाडौं । गृह मन्त्रालयले सशस्त्र प्रहरी बलका १५ जना वरिष्ठ उपरीक्षक (एसएसपी) को सरुवा र ८ जनाको पदस्थापन गरेको छ । 

जसअनुसार, विपद् व्यवस्थापन तालिम शिक्षालय कुरिनटारमा विकास घिमिरे, युएन शान्ति स्थापना तालिम शिक्षालय ककनी नुवाकोटमा जनक पुरीलाई सरुवा गरिएको छ । यस्तै यादव विश्वकर्मालाई हुल तथा दंगा व्यवस्थापन तालिम शिक्षालय लामापाटन, पोखरा, टोपबहादुर खनाललाई पर्वतीय उद्धार तालिम शिक्षालय मनाङ, अशोककुमार बमलाई खेलकुद तथा शारीरिक सुगठन शिक्षालय काठमाडौं सरुवा गरिएको छ । 

यसैगरी, दीपककुमार थापालाई प्रबन्ध महाशाखालाई पदस्थापन गरिएको छ ।