काठमाडौं । सरकारले सशस्त्र प्रहरी बल नेपालका नायब महानिरीक्षक (डीआईजी) अञ्जनीकुमार पोख्रेललाई एआईजीमा बढुवा गरेको छ ।
मंगलबार बसेको मन्त्रिपरिषद्ले सोसहितका ४ निर्णय गरेको हो ।
यसैगरी भदौ २३ र २४ को जेनजी आन्दोलनका क्रममा भएका घटनाबारे सुरक्षा संयन्त्रबारे छानबिन गर्न बनेको छानबिन समितिलाई पूर्णता समेत दिइएको सरकारका प्रवक्ता सस्मित पोखरेलले जानकारी दिए ।
यस्ता छन् निर्णयहरु :
१. युनाइटेड नेसन्स इन्भाइरोमेन्ट प्रोग्राम (UNEP) बाट ओजन तहलाई हानी पुर्याउने पदार्थको व्यवस्थापन र न्यूनीकरणसम्बन्धी मन्ट्रियल प्रोटोकलको कार्यान्वयनसम्बन्धी सम्झौता स्वीकृत गर्ने ।
२. सशस्त्र प्रहरीका डीआईजी अञ्जनीकुमार पोखरेललाई (AIG) पदमा बढुवा गर्ने।
३. २०८० साल भदौ २३ र २४ गतेको प्रदर्शनको क्रममा भएको घटनाको जाँचबुझ गर्न गठित आयोगले पेश गरेको प्रतिवेदनमा उल्लेखित सुरक्षा संयन्त्रको हकमा अध्ययन गरी सिफारिस गर्न गठित अध्ययन समितिको कार्यअवधि ४५ दिनले थप गर्ने ।
४. भूमि समस्या समाधान समितिको अध्यक्ष पदमा बलभद्र बास्तोला (कास्की) तथा सदस्य पदमा अमीरप्रसाद न्यौपाने (काठमाडौँ), पद्मनीति सोती (लमजुङ) र डा. रोहना श्रेष्ठ (काठमाडौं) लाई नियुक्ति गर्ने।
यो खबर पढेर तपाईलाई कस्तो महसुस भयो ?
प्रतिक्रिया