काठमाडौं । संघीय संसदमा आगामी आर्थिक वर्षको बजेट प्रस्तुत हुनु पूर्व आफ्नो रणनीति तय गर्न नेपाली कांग्रेस संसदीय दलको बैठक सुरु भएको छ ।
बिहीबार बिहान सिंहदरबारस्थित संसदीय दलको कार्यालयमा बैठक सुरु भएको हो ।
बैठकमा मुख्यतया आगामी बजेट अधिवेशनमा पार्टीले निर्वाह गर्ने भूमिका र सदनमा प्रस्तुत हुने विषयहरूमा विस्तृत छलफल हुने बताइएको छ ।
नेपालको संवैधानिक व्यवस्थाअनुसार जेठ १५ गते संघीय संसदमा आगामी आर्थिक वर्षको बजेट प्रस्तुत गरिँदैछ ।
बजेट भाषणको अघिल्लो दिन बस्न लागेको यस बैठकलाई राजनीतिक वृत्तमा महत्वका साथ हेरिएको छ ।
बैठकमा समसामयिक राजनीतिक अवस्था र संसदमा पार्टीले अवलम्बन गर्ने रणनीतिका बारेमा समेत सदस्यहरूबिच विचार विमर्श हुने संसदीय दलले जनाएको छ ।
यो खबर पढेर तपाईलाई कस्तो महसुस भयो ?
प्रतिक्रिया