सभामुख अर्यालले गरे दुई पूर्वसभामुखहरुसँग छलफल

काठमाडौं । सभामुख डोलप्रसाद अर्याल (डीपी) अर्यालले दुई पूर्वसभामुखहरुसँग भेटघाट गरेका छन् ।

बिहीबार सभामुख अर्यालले पूर्व सभामुखहरु देवराज घिमिरे र अग्निप्रसाद सापकोटासँग भेटघाट गरेका हुन् ।

उनीहरूबीच संसदीय अभ्यास, विगतका अनुभवहरूको आदान–प्रदान, संघीय संसदको प्रभावकारी सञ्चालनलगायतका विषयमा कुराकानी भएको सचिवालयले जनाएको छ ।

यसअघि सभामुखमा एमालेका देवराज घिमिरे रहेका थिए । त्यसअघि माओवादीबाट अग्निप्रसाद सापकोटा सभामुख रहेका थिए ।