सुनको मूल्यमा फेरि नयाँ कीर्तिमान, तोलामै ३ लाख ३ हजार नाघ्यो

काठमाडौं । साताको पहिलो कारोबारका दिन आज सुनको मूल्यले नयाँ कीर्तिमान बनाएको छ ।  नेपाल सुनचाँदी व्यवसायी महासंघका अनुसार आज  छापावाल सुन प्रतितोला २४ सय रुपैयाँले बढेको हो । 

अघिल्लो कारोबारका दिन ३ लाख १ हजार ४ सय रुपैयाँमा कारोबार भएको सुनको मूल्य आज २४ सय रुपैयाँले बढेर ३ लाख ३ हजार ८ सय रुपैयाँमा कारोबार भएको महासंघले जनाएको छ । यो मूल्य हाल  सम्मको उच्च मूल्य हो । 

त्यस्तै आज चाँदीको मूल्यले पनि नयाँ रेकर्ड बनाएको छ । महासंघका अनुसार आज चाँदी २ सय ९० रुपैयाँले बढेर नयाँ रेकर्ड बनाएको हो ।   

शुक्रबार ६ हजार १ सय ९० रुपैयाँमा कारोबार भएको चाँदी आज २ सय ९० रुपैयाँले बढेर ६ हजार ४ सय ८० रुपैयाँमा कारोबार भइरहेको छ ।