सशस्त्र प्रहरीका ६ डीआईजीको सरुवा, नम्बर १ बराह बाहिनीको बाहिनीपतिमा प्रवक्ता थापा

काठमाडौं । गृह मन्त्रालयले आइतबार सशस्त्र प्रहरी बलका ६ जना नायव महानिरीक्षक (डीआईजी) को सरुवा गरेको छ । 

जसअनुसार प्रवक्तासमेत रहेका सशस्त्र प्रहरी महानिरीक्षकको सचिवालयका डीआईजी मनिष थापालाई नम्बर १ बराह बाहिनी, सुनसरीमा सरुवा गरिएको छ । बराह बाहिनीका डीआईजी कुमार न्यौपानेलाई प्रधान कार्यालय सरुवा गरिएको छ । सशस्त्र प्रहरी महानिरीक्षकको सचिवालयमा विष्णु भट्टलाई ल्याइएको छ । 

यस्तै, सुरक्षा परिषदमा कार्यरत डीआईजी पुरुषोत्तम थापालाई सशस्त्र प्रहरी प्रशिक्षण प्रतिष्ठान मातातीर्थमा सरुवा गरिएको छ । त्यहाँ रहेका लक्ष्मणबहादुर सिंहलाई प्रधान कार्यालयमा सरुवा गरिएको छ । 

यसैगरी नम्बर ७ वैद्यनाथ बाहिनी, कैलालीका बाहिनीपति प्रदीपकुमार पाललाई प्रधान कार्यालय सरुवा गरिएको छ । त्यहाँको निमित्त बाहिनीपतिमा एसएसपी दिगविजय सुवेदीलाई पठाइएको छ ।