एमालेको बन्दसत्र फेरि सर्‍यो, केन्द्रीय कमिटीको अन्तिम बैठक बस्दै

काठमाडौं । नेकपा एमालेको ११औँ महाधिवेशनको बन्दसत्र दिउँसो १ बजेका लागि सारिएको छ ।

आज बिहानै सुरु गर्ने तयारी गरिएको बन्दसत्र सवा १२ बजेलाई सारिएकोमा त्यसपछि पुनः १ बजेका लागि सारिएको हो । 

भक्तपुरको सल्लाघारीमा हिजो उद्घाटन गरिएको महाधिवेशनको बन्दसत्र आज भृकुटीमण्डपमा हुँदैछ ।

अहिले केन्द्रीय कमिटीको यो कार्यकालको अन्तिम बैठक बस्ने तयारी भइरहेको छ । 

बैठकमा पार्टीको विधान संशोधन, समसामयिक राजनीतिक परिस्थिति तथा बन्दसत्रका कार्यक्रमहरूबारे छलफल हुने जनाइएको छ ।