इलाम विपद् संकटग्रस्त क्षेत्र घोषणा

काठमाडौं । हालैको बाढीपहिरोबाट ठुलो मानवीय क्षति व्यहोरेको इलाम जिल्लालाई सरकारले विपद् संकटग्रस्त क्षेत्र घोषणा गरेको छ ।

बिहीबार बसेको मन्त्रिपरिषद्को बैठकले इलामलाई आगामी तीन महिनाका लागि संकटग्रस्त क्षेत्र घोषणा गर्ने निर्णय गरेको हो ।

सञ्चार तथा सूचना प्रविधिमन्त्री जगदीश खरेलका अनुसार बाढी पहिरोका कारण इलाममा ३९ जनाको मृत्यु भएको छ । 

सरकारले राहत, उद्धार र पुनःस्थापनाका कार्यलाई तीव्रता दिने निर्णय पनि गरेको उनले जानकारी दिए ।