स्वास्थ्य बीमा बोर्डद्वारा थप २२ वटा स्वास्थ्य संस्थासँग सेवा सम्झौता

काठमाडौं । स्वास्थ्य बीमा बोर्ड, विभिन्न स्थानीय तह र अस्पतालबिच सेवा सम्झौता भएको छ ।

बोर्डले थप २२ वटा स्थानीय तहका २६ वटा अस्पतालसँग सेवा सम्झौता गरेको हो ।

बोर्डका अनुसार स्वास्थ्य बीमा ऐन २०७४ को दफा ९ को उपदफा ६ बमोजिम प्रथम सेवा बिन्दु प्रयोजनका लागि प्रत्येक स्थानीय तहमा कम्तीमा एउटा सेवा प्रदायक स्वास्थ्य संस्था रहनुपर्ने व्यवस्था रहेको छ । जसअनुसार बोर्डले आह्वान तथा स्थानीय तहको अनुरोधमा ती स्वास्थ्य संस्थालाई सेवाका लागि सूचीकृत गरेको हो ।

जसमा स्वास्थ्य बीमा बोर्डसँग प्रथम सेवा बिन्दुको रुपमा सेवा दिने गरी सेवा सम्झौता भएको हो ।

योसँगै प्रथम सेवा बिन्दु भएका स्थानीय तहको संख्या ३७६ पुगेको बोर्डले जनाएको छ ।

जसअनुसार काठमाडौं महानगरपालिका अन्तर्गतका विभिन्न अस्पतालसँग सम्झौता भएको छ । जसमा शहरी स्वास्थ्य प्रवर्द्धन केन्द्र–१६ चमती, शहरी स्वास्थ्य प्रवर्द्धन केन्द्र–१० लाखेचौर, शहरी स्वास्थ्य प्रवर्द्धन केन्द्र–१२ चल्खुमार्ग लगायत ५ वटा शहरी स्वास्थ्य केन्द्रसँग सम्झौता भएको हो ।

त्यस्तै काभ्रेको बनेपा नगरपालिकामा रहेको गोकुलगंगा अस्पताल, दोलखाको शैलुङ नगरपालिकामा रहेको शैलुङ अस्पताल लगायत २२ वटा स्वास्थ्य संस्थासँग सम्झौता भएको हो ।