सुनको मूल्य घट्यो, चाँदीको महंगियो

काठमाडौं । नेपाली बजारमा बुधबार सुनको मूल्यमा सामान्य गिरावट आएको छ भने चाँदीको मूल्य भने बढेको छ।
नेपाल सुनचाँदी व्यवसायी महासंघका अनुसार बुधबार छापावाल सुनको मूल्य तोलामा १ लाख ९६ हजार ७०० रुपैयाँ कायम भएको छ।

मंगलबार तोलामा १ लाख ९६ हजार ८०० रुपैयाँमा कारोबार भएको सुन आज १०० रुपैयाँले घटेको हो।

यस्तै, मंगलबार तोलामा २ हजार ३०५ रुपैयाँ रहेको चाँदीको मूल्य बुधबार २० रुपैयाँले बढेर तोलामा २ हजार ३२५ रुपैयाँ पुगेको महासंघले जनाएको छ।