सुनको मूल्यमा सामान्य वृद्धि, कतिमा हुँदैछ कारोबार ?

काठमाडौं । नेपाली बजारमा सोमबार सुनको मूल्य बढेको छ। आइतबारको तुलनामा सोमबार सुनमा प्रतितोला १ हजार रुपैयाँले वृद्धि भएको हो ।

नेपाल सुनचाँदी व्यवसायी महासंघका अनुसार आज  छापावाल सुनको मूल्य प्रतितोला १ लाख ८९ हजार ८०० रुपैयाँ पुगेको छ।

यसअघिको दिन, आइतबार, सुनको मूल्य १ लाख ८८ हजार ८०० रुपैयाँ थियो ।

यता, चाँदीको मूल्य भने आइतबारको तुलनामा केही घटेको छ। आइतबार प्रतितोला १ हजार ९९५ रुपैयाँमा कारोबार भएको चाँदी सोमबार ५ रुपैयाँ घटेर १ हजार ९९० रुपैयाँमा कारोबार भइरहेको छ ।