संसदमा कांग्रेसको उपस्थिति कमजोर देखियो : प्रमुख सचेतक लेखक

काठमाडौं । नेपाली कांग्रेसका प्रमुख सचेतक रमेश लेखकले संसद्मा कांग्रेसको उपस्थिति कमजोर देखिएको टिप्पणी गरेका छन् ।

मंगलबार बसेको केन्द्रीय समितिको बैठकमा उनले गत पुस १० गते बनेको गठबन्धन फागुनमा भत्किएपछि एमाले संसद्मा आक्रामक भएको तर कांग्रेसको उपस्थिति कमजोर देखिएको सुनाए ।

उनले भने ‘संसद्मा अहिले एमाले आक्रामक छ । सरकारबाट बाहिरिएपछि एमाले आक्रामक रुपमा प्रस्तुत भइरहेको छ। तर हाम्रो उपस्थिति कमजोर भएको छ।’ संसद् बैठकमा कांग्रेस सांसहरुको कम उपस्थितिले कहिलेकाहीँ विधेयक नै पारित हुन नसक्ने अवस्था आएको उनको भनाई छ ।