काठमाडौं । प्रहरीलाई एक सय रुपैयाँ घुसदिन खोजेको आरोपमा ट्रिपर चालक पक्राउ परेका छन् ।
काठमाडौं महानगरपालिका २७ असनस्थित महानगरीय प्रहरी वृत्त जनसेवाबाट खटिएको प्रहरीको टोलीले ललितपुर लेले बस्ने २० वर्षीय प्रचण्ड रायजाली मगरलाई बुधवार राति पक्राउ गरेको हो ।
बा४ख १७६ नम्बरको मिति ट्रिपर जाँच गर्ने क्रममा कागजपत्र नभएको भनी चालक मगरले प्रहरीलाई १ सय रुपैयाँ घुस दिन खोजेपछि पक्राउ परेका हुन् ।
यसैगरी काठमाडौं महानगरपालिका १४ कलंकी ढुंगे अड्डास्थितबाट पनि प्रहरीलाई एक सय घुसदिन खोजेको आरोपमा एक जनालाई पक्रा गरिएको छ । धादिङ थाक्रे गाउँपालिका २ बस्ने वर्ष ३५ को केदार मल्ललाई बुधवार राति पक्राउ गरेको हो ।
बा५ख६०८४ नम्बरको ट्रिपर जाँच गर्ने क्रममा मल्लले कागजपत्र नभएको भनी प्रहरीलाई उक्त रकम घुस दिन खोजेपछि उनी पक्राउ परेका हुन्।
यस सम्बन्धमा थप अनुसन्धान भइरहरहेको प्रहरी जनाएको छ ।
यो खबर पढेर तपाईलाई कस्तो महसुस भयो ?
प्रतिक्रिया