काठमाडौं । नवनिर्वाचित राष्ट्रपति रामचन्द्र पौडेलले आज शपथ ग्रहण गर्दैछन् ।
दिउँसो १ बजे राष्ट्रपति भवन शीतल निवासमा आयोजित कार्यक्रमकाबीच पौडेलले शपथग्रहण गर्दैछन् ।
शपथ ग्रहणका क्रममा पौडेलले राजनीतिक जीवनमा आफूसँगै जेल बसेकाहरुलाई समेत बोलाएका छन् ।
विभिन्न समयमा जेलमा बसेका साथीहरुलाई समेत शपथग्रहणमा बोलाएको सचिवालयले जनाएको छ ।
सचिवालयका अनुसार शपथ ग्रहणका क्रममा रघुपति शर्मा, डिल प्रसाद सापकोटा, इन्दु शर्मा र गोविन्द कँडेल लगायतलाई बोलाइएको छ ।
शपथग्रहण समारोहमा विशिष्ट व्यक्तित्व, कुटनीतिक नियोगका प्रतिनिधि लगायत करिब १ हजार ५ सय जनालाई निम्तो दिइएको छ ।
यो खबर पढेर तपाईलाई कस्तो महसुस भयो ?
प्रतिक्रिया