नवनिर्वाचित राष्ट्रपति पौडेलको शपथ भोलि १ बजे 

काठमाडौं । नवनिर्वाचित राष्ट्रपति रामचन्द्र पौडेलले भोलि पद तथा गोपनियताको शपथ लिँदैछन् ।

सोमबार दिउँसो १ बजेका लागि शपथका लागि एक समारोहको आयोजना गरिएको राष्ट्रपति कार्यालयका प्रवक्ता सागर आचार्यले लोकपथलाई जानकारी दिए ।

‘भोलि दिउँसो १ बजेका लागि शपथग्रहणको लागि एक समारोह आयोजना गरिएको छ ।’ उनले भने ।

फागुन २५ गते निर्वाचित भएका पौडेलले कायममुकायम प्रधानन्यायाधीश हरिकृष्ण कार्कीबाट पद तथा गोपनियताको शपथ ग्रहण गर्न लागेका हुन् ।

त्यस्तै वर्तमान विद्यादेवी भण्डारी भोलि नै शीतलनिवासबाट निजी निवासमा सर्ने उनले बताए ।

आज रातिबाट भण्डारीको दोस्रो कार्यकालको ५ वर्षे अवधि सकिँदैछ । कार्यकाल सकिएसँगै उनी भोलि शीतलनिवासबाट बुढानिलकण्ठ चपलीस्थित निजी निवासमा सर्ने भएकी हुन् ।