पीएनजीको तेस्रो विकेट पतन

काठमाडौं । त्रिकोणात्मक टी-ट्वान्टी अन्तर्राष्ट्रिय क्रिकेट सिरिजको फाइनल खेलमा नेपालले दिएको १ सय ६९ रनको लक्ष्य पछ्याएको पपुवा न्युगिनी (पीएनजी)को तेस्रो विकेट पतन भएको छ ।

पीएनजीले ४.४ ओभरमा तीन विकेट गुमाउँदै २५ रन जोडेको छ । त्यस्तै दिपेन्द्रले दोस्रो र तेस्रो विकेट लिएका छन् ।

नेपाल र पीएनजी दुवै टोली उपाधि चुम्ने योजनासहित मैदान उत्रेका छन् । नेपाल जारी सिरिजमा अपराजित रहँदै फाइनल पुगेको छ । नेपालले ४ खेलमा ४ जित निकाल्दै शीर्ष स्थानमा कायम रहँदै फाइनल पुगेको हो ।

पीएनजीले उपविजेताको रुपमा फाइनल खेल्न लागेको हो । पीएनजीले ४ खेलमा ३ हार र एक जित निकालेको थियो ।