काठमाडौं । तीनदिने नेपाल भ्रमण सकेर चिनियाँ विदेशमन्त्री वाङ यी स्वदेश फर्किएका छन् ।
शुक्रबार अपराह्न नेपाल आएका उनी आइतबार दिउँसो चीन फर्किएका हुन् ।
विदेशमन्त्री वाङलाई त्रिभुवन अन्तर्राष्ट्रिय विमानस्थलमा परराष्ट्र मन्त्रालयका कर्मचारीले बिदाइ गरेका छन् ।
उनले नेपालमा राष्ट्रपति विद्यादेवी भण्डारी, प्रधानमन्त्री शेरबहादुर देउवा, परराष्ट्रमन्त्री डा. नारायण खड्का, एमाले अध्यक्ष केपी ओली, माओवादी अध्यक्ष पुष्पकमल दाहाल प्रचण्डलगायतका नेताहरुसँग भेटघाट गरेका थिए ।
भेटका क्रममा दुईपक्षीय सहयोग आदानप्रदान तथा केही सम्झौतामा हस्ताक्षर भएको छ । चीनले नेपाललाई ६० कराेड एमआरबी (११ अर्ब रुपैयाँ) सहयाेग गर्ने भएकाे छ ।
यो खबर पढेर तपाईलाई कस्तो महसुस भयो ?
प्रतिक्रिया