फ्रेडको निर्णायक गोलमा युनाइटेड विजयी

काठमाडौं । इंग्लिस प्रिमियर लिग फुटबलमा म्यानचेस्टर युनाइटेडले जित हात पारेको छ । आइतबार राति भएको खेलमा युनाइटेडले क्रिस्टल प्यालेसलाई १-० गोल अन्तरले पराजित गरेको हो ।

घरेलु मैदान ओल्ड ट्राफोर्डमा युनाईटेडलाई जित दिलाउन फ्रेडले खेलको ७७औं मिनेटमा
निर्णायक गोल गरे ।

जितसँगै युनाइटेड १५ खेलमा २४ अंक जोड्दै छैटौँ स्थानमा उक्लिएको छ । क्रिस्टल प्यालेस १६ अंक जोडेर १२औँ स्थानमा रहेको छ ।