काठमाडौं । प्रतिनिधि सभाका सभामुख अग्निप्रसाद सापकोटाले कार्यव्यवस्था समितिको बैठक बोलाएका छन् ।
सोमवार (भोलि) बस्ने संसद बैठकको तयारीका विषयमा छलफल गर्न सभामुख सापकोटाले बैठक बोलाएका हुन् ।
हालसम्म २६ जना सांसदहरुमा कोरोना संक्रमण पुष्टि भइसकेको छ । यसैक्रममा बस्न लागेको संसद बैठकमा कोरोना संक्रमित सांसदहरुलाई मतदानको व्यवस्था कसरी मिलाउने भन्ने विषयमा समेत आजको बैठकमा छलफल हुने सभामुखका प्रेस सल्लाहकार श्रीधर न्यौपानेले लोकपथलाई जानकारी दिए ।
“धैरै माननीयज्यूहरुलाई कोरोना संक्रमण देखिएको छ । यसैक्रममा भोलि बस्ने संसद बैठकमा हुने मतदानमा उहाँहरुलाई कसरी मतदानको व्यवस्था गर्ने लगायत बैठकलाई मर्यादित कसरी बनाउने भन्ने विषयमा आजको बैठकमा छलफल हुनेछ ।” सल्लाहकार न्यौपानेले भने ।
आज दिउँसो १ बजे बैठक बस्नेछ ।
नेपालमा हालसम्म २६ जना संघीय सांसदमा कोरोना संक्रमण पुष्टि भएको छ ।
संसद बैठक बस्ने प्रयोजनका लागि गरिएको पीसीआर परीक्षणका क्रममा १९ जना र बाँकी ८ जनाको आफैले गरेको परीक्षणमा कोरोना पुष्टि भएको हो ।
प्रधानमन्त्री केपी शर्मा ओलीले वैशाख २७ गते संसदबाट विश्वासको मत लिने घोषणा गरेसँगै बुधवार र बिहीवार सांसदसहित संसद सचिवालयका कर्मचारी र सुरक्षाकर्मीहरुको समेत कोरोना परीक्षण गरिएको थियो । सो क्रममा १८ जना सांसदसहित १६० जनामा कोरोना संक्रमण पुष्टि भएको थियो ।
यी हुन् कोरोना संक्रमण पुष्टि हुने २६ सांसदहरु
– झलनाथ खनाल
– मुकुन्द न्यौपाने
– मायादेवी न्यौपाने
– पार्वती डिसी चौधरी
– राजेन्द्रप्रसाद गौतम
– नन्दलाल रोका क्षेत्री
– लालबाबु पण्डित
– लक्ष्मणलाल कर्ण
– नरमाया ढकाल
– महेश बस्नेत
– रामबाबु यादव
– गोपालबहादुर बम
– नमीता कुमारी चौधरी
– शान्तिमाया तामाङ
– विना कुमारी श्रेष्ठ
– रेनुका गुरुङ
– जुलीकुमारी महतो
– रघुवीर महासेठ
– किसान श्रेष्ठ
– सुरेश कुमार राई
– पुष्पा कुमारी कर्ण कायस्थ
– भानुभक्त ढकाल
– बीना मगर
– भरतकुमार शाह
– प्रमोद शाह
– दिपकप्रकाश भट्ट
यो खबर पढेर तपाईलाई कस्तो महसुस भयो ?
प्रतिक्रिया