काठमाडौं । विज्ञापन बोर्डको अध्यक्षमा लक्ष्मण हुमागाईं नियुक्त भएका छन् ।
शुक्रवार बिहान बसेको मन्त्रिपरिषद् बैठकले हुमागाईंलाई बोर्डको अध्यक्षमा नियुक्त गरेको हो ।
सञ्चार तथा सूचना प्रविधि मन्त्रालयको प्रस्तावमा मन्त्रिपरिषद् बैठकले हुमागाईंलाई नियुक्त गरिएको स्रोतले जनाएको छ ।
हुमागाईंसँगै बोर्डको अध्यक्षका लागि तीन जनाको आवेदन परेको थियो । आवेदनमा हुमागाईंसहित लेखनाथ शर्मा र रमेशकुमार खड्काको नाम सिफारिस भएको थियो ।
गत फागुन २० गते मन्त्रालयले सूचना जारी गर्दै बोर्डको अध्यक्ष बन्न इच्छुक व्यक्तिहरुको आवेदन माग गरेको थियो ।
यसैगरी आजको बैठकले राष्ट्रपति चुरे-तराई मधेश संरक्षण विकास समितिको अध्यक्षमा डा.किरण पौडेल नियुक्त गरेको छ । साथै समितिको सदस्यहरुमा बाबुकृष्ण कार्की, डा. सुस्मिता ढकाल, शशी शर्मा र भेषराज आचार्य बरुण नियुक्त भएका छन् ।
यो खबर पढेर तपाईलाई कस्तो महसुस भयो ?
प्रतिक्रिया