काठमाडौं । प्रतिनिधि सभा विघटनविरुद्ध सर्वोच्च अदालतमा परेको रिटबारे बहस सकिएर फैसलाको अन्तिम तयारी भएको छ ।
प्रतिनिधि सभा विघटन सम्बन्धि मुद्धाको फैसला आउने तयारीकाबीच सुरक्षा निकायहरु ‘हाई अलर्ट’मा बसेका छन् ।
आगामी शुक्रवारसम्म सर्वोच्च अदालतले संसद् पुनःस्थापनाको आदेश वा विघटनलाई नै सदर सम्बन्धमा फैसला सुनाउने बताइएको छ ।
यस्तो अवस्थामा हुन सक्ने राजनीतिक घटनाक्रमलाई मध्यनजर गर्दै सुरक्षा निकायहरुलाई हाई अलर्टमा राखिएको स्रोतले जनाएको छ ।
राजधानी काठमाडौंमा चारवटै सुरक्षा निकायहरुले सुरक्षामा विशेष ध्यान दिएका छन् ।
गत पुस ५ गते मन्त्रिपरिषद्को सिफारिसमा राष्ट्रपति विद्यादेवी भण्डारीले संसद विघटनलाई अनुमोदन गर्दै नयाँ निर्वाचन घोषणा गरेकी थिइन् । त्यसको विरुद्ध १३ वटा रिट निवेदनहरु परेका थिए ।
यो खबर पढेर तपाईलाई कस्तो महसुस भयो ?
प्रतिक्रिया