युभेन्टसको जितसँगै मिलानको अपराजित यात्रामा पूर्णविराम !

काठमाडौं । इटालियन सिरी ए फुटबलमा युभेन्टसले एसी मिलानलाई पराजित गरेको छ । बुधवार राति मिलानको मैदानमा भएको खेलमा युभेन्टसले मिलानलाई ३-१ गोल अन्तरले पराजित गरेको हो ।

खेलको १८ औं मिनेटमा फेड्रिकोले गोल गर्दै युभेन्टसलाई अग्रता दिलाएका थिए ।

तर, ४१ औं मिनेटमा डाभिडे कालाब्रियाले गोल गर्दै मिलानलाई १-१ गोलको बराबरीमा फर्काए । खेलको ६२ औं मिनेटमा फेड्रिकोले व्यक्तिगत दोस्रो गोल गर्दै युभेन्टसलाई २-१ को अग्रता दिलाए ।

त्यसपछि खेलको ७६ औं मिनेटमा वेस्टन म्याककेन्नीले गोल गर्दै युभेन्टसलाई ३-१ को सहज जित दिलाए ।

जितसँगै युभेन्टस लिगको चौंथो स्थानमा उक्लिएको छ । युभेन्टसले १५ खेलमा ३० अंक जोडेको छ ।

मिलानले १६ खेलमा ३७ अंक जोडेको छ । मिलान शीर्ष स्थानमा कायम रहेको छ । युभेन्टससँग पराजित भएसँगै मिलानको अपराजित यात्रामा समेत पूर्णविराम लागेको छ ।

• एजेन्सी