शुरुवाती अग्रता जोगाउन नसक्दा लिभरपुल बराबरीमा रोकियो

काठमाडौं । प्रिमियर लिग फुटबलमा लिभरपुलले वेस्ट ब्रोमसँग बराबरी खेल खेल्दै अंक बाडेको छ । आईतवार राति एनफिल्डमा भएको खेलमा लिभरपुलले वेस्ट ब्रोमसँग १-१ गोलको बराबरी खेल्दै अंक बाँडेको हो ।

साडियो मानेले खेलको १२ औं मिनेटमा लिभरपुललाई अग्रता दिलाएका थिए । तर खेल सकिन ८ मिनेट अघि सेमी अजायीले गोल गर्दै वेस्ट ब्रोमलाई बराबरीमा ल्याएका थिए ।

शीर्ष स्थानको लिभरपुलले ३२ अंक जोडेको छ । दोस्रो स्थानको एभर्टनसँग लिभरपुलको अझै स्पष्ट तीन अंकको अग्रता छ । वेस्ट ब्रोम ८ अंक सहित तालिकाको पुछारदेखि दोस्रोमा छ ।

• एजेन्सी